Cadernu reviscadu
LA PRUMA Y L’ARADU
La pruma rabiscandu yê miu aradu
Al papel rabiscadu, la sementeira
Gañandu’l pán pur Dius abençoadu
Vou traballandu assi la mie jeira.
Solu Dius sabe lus martírius y cuidadu
Na sembra i amañu d’ũa lleira
D’eideyas sembradas n’ũa arada!
Pur ciêrtu nun hai mayor canseira.
Reilla de pruma, rasga mas y fondu
Siên miêdu dal papel seis ciêntas vezes,
Qu’a las vezes ũ’eideya bira’l mundu.
L’eideya quebra’l nuôlu de mil revezes
L’eideya assuca la tiêrra y mar purfundu
L’eideya fizu heiróis lus pertueźes.
Doutor Antenas
3 comentários:
Estás pimpon. pul que beio, corriu bien essa tese.
Un abraço
Stás bien guapo, mas l soneto nun te queda atrás! Parece screbido na sendinês, pul menos cumo l'oubi falar de garotico! Al ler alto parecie´oubir ls bielhos d'hai 60 anhos a falar!
Mas nun ye miu... Sera pur issu que vus parciu assi... Ye dal padre Ze de Cicuiru
Postar um comentário